IXBT ýazmagyna görä, Huawei Core Ultra 9 prosessorly dünýäde ilkinji enjam bolan MateBook X Pro noutbugynyň täze neslini hödürledi.
Onuň agramy bary-ýogy 980 gram bolup, 3120 x 2080 piksel durulykda 14,2 dýuýmlyk OLED ekrany bar, kadr tizligi 120 Hz we iň ýokary ýagtylygy 1000 kd / m². Ekrany gapagyň meýdanynyň 93% -ini tutýar.
Täze önümiň üç konfigurasiýasy bar:
- Core Ultra 7, 16 GB RAM, 1 TB SSD: 1550 $
- Core Ultra 7, 32 GB RAM, 1 TB SSD: 1730 $
- Core Ultra 9, 32 GB RAM, 2 TB SSD: 2075 $
Noutbugyň korpusy uçar gurluşygynda ulanylýan alýuminden ýasaldy. Içinde 6 sany dinamik we iki wentilýatorly sowadyş ulgamy bar.
MateBook X Pro-nyň beýleki aýratynlyklary - basyşa duýgur sensor panelden we 140W çalt zarýad bermek üçin goldawdan ybarat.
