10-njy aprelde Hytaýda geçirilen tanyşdyrylyş dabarasynda Redmi diňe bir Turbo 3 smartfonyny we Pad Pro planşetini däl, eýsem uly, ýöne şol bir wagtyň özünde elýeterli telewizoryny hödürledi.
Täze 100 dýuýmlyk 4K telewizor Redmi MAX 100 2025-iň bahasy 1245 dollara barabar.
Ilkinji alyjylar aýratynlykda 210 dollara satylýan Xiaomi TV Speaker 3.1 saundbaryny sowgat alarlar. Telewizoryň ekrany 120 Gs kadr ýygylygy bilen häsiýetlendirilýär, MEMC we VRR tehnologiýalaryny goldaýar, DCI-P3 reňk giňişliginiň 94%-ini gurşap alýar.
Enjam platformasy dört ýadroly CPU Arm Cortex-A73-li SoC sistemasyna esaslanýar. Operatiw ýadyň we fleş-ýadyň göwrümi, degişlilikde, 4 we 64 GB. Telewizor HyperOS-yň dolandyrmagynda işleýär.
