“Moana” multfilminiň oýun remeýki 2026-njy ýylyň 10-njy iýulynda kinoteatrlarda çykar. Collider neşiri tomaşaçylaryň 2025-nji ýylyň noýabrynda ekrana çykjak animasion filmiň dowamyna has köp üns berip bilmegi üçin, çykyş senesiniň yza süýşürilendigini belleýär.
Kinoadaptasiýanyň režissýory Tomas Kail bolar. Ol batyrgaý Moananyň wakasyny gaýtadan gürrüň berip, onuň taýpasynyň medeniýetine we däp-dessurlaryna aýratyn üns berer. Ssenariýanyň üstünde Jared Buş we Dana Ledu Miller, şeýle-de kino wersiýasy üçin aýdym-sazy adaptirlejek Lin-Manuel Miranda işlär.
Baş keşbi ýerine ýetiriji heniz belli däl, ýöne remeýkde Moananyň keşbini multfilmde we dowamynda gahrymana ses beren Aulii Krawalonyň oýnamajakdygy mälimdir.
Oýun remeýkiniň sýužeti asyl multfilmi gaýtalar. Wakalar 2000 ýyl ozal Ýuwaş ummanynyň adalarynda bolup geçýär. 14 ýaşly şa gyzy Moana Waýaliki öz taýpadaşlaryny halas etmek üçin ýola çykýar. Ýolda ol ýarym Hudaý Maui bilen tanyşýar we olar bilelikde köp synaglardan geçýärler.
Eýýäm häzir “Moananyň” oýun remeýki 2026-njy ýylyň iň köp garaşylýan kino taslamalarynyň biri hasaplanýar.
