Apple kompaniýasy iki modelini könelişen we wintaž gurluşlarynyň sanawyna goşdy. Olaryň birinjisi iPhone 6 Plus smartfony bolup, ol doly könelişen diýlip ykrar edildi. Bu smartfon 2014-nji ýylda çykaryldy we ilkinji uly iPhone boldy – onuň ekrany 5,5 dýuýma barabar. Smartfon 2017-nji ýylda önümçilikden aýryldy, ýene iki ýyldan täzelenmelerden mahrum edildi, şonuň üçin onda iň soňky goldanylýan sistema iOS 12 boldy. Könelişen gurluşlar Apple-iň hyzmat merkezlerinde hiç hili ýagdaýda resmi taýdan bejerilmeýär diýip, wylsa.com belleýär.
Wintaž gurluşlarynyň sanawyna goşulan model bolsa iPad mini 4 planşeti boldy. A8 çibinde işleýän bu gurluş ýokary hilli Retina displeýinden we özünden öňküler bilen deňeşdirilende az sygymly akkumulýatoryndan başga aýratynlygy bilen tapawutlanmady. Ol 2019-njy ýylda önümçilikden aýryldy, diýmek, onuň doly könelmegine ýene iki ýyl galdy. Şonuň üçin wintaž gurluşyny Apple-iň hyzmat merkezlerinde diňe hyzmatda bölekler bolan ýagdaýynda bejerip bolýar.
