Xiaomi kompaniýasy Xiaomi 14 Ultra Titan flagman smartfonynyň abatlanyş bahalaryny çap etdi. Enjamyň iň gymmat bölegi - ulgam platasy bolup çykdy, ony çalyşmak eýelerine 426 dollara düşer diýip, GizmoChina portaly ýazýar.
Xiaomi 14 Ultra Titanium-yň ekranyny çalyşmak 237 dollara, täze esasy kamerasyny çalyşmak bolsa 140 dollara düşer. Goşmaça platany, kömekçi we öňdäki kameralary, şeýle hem batareýasyny we arka gapagyny goşmak bilen beýleki komponentleriniň bahasy 70 dollardan geçmeýär.
Mundan başga-da, her gezek abatladanda ussa haky goşmaça 5 dollar bolar.
Görkezilen bahalar Hytaý bazarynyň bahalarydyr. Beýleki ýurtlarda abatlaýyş işleri üçin çykjak baha entek belli däl.
Xiaomi 14 Ultra Titanium-yň abatlanyş bahalarynyň bazardaky beýleki flagman smartfonlaryndan has ýokarydygyny bellemelidiris. Mysal üçin, iPhone 14 Pro Max-yň ulgam platasyny çalyşmak üçin 329 dollar bermeli, Samsung Galaxy S23 Ultra-nyňky bolsa 399 dollara düşýär.
