Samsung kompaniýanyň taryhynda iň ýokary durulykly selfi-kamerasyny alan ortaça arzan Galaxy M55 smartfonyny hödürledi. Bu barada Sammobile portaly habar berýär.
Galaxy M55 Full HD+ durulykly we 120 Gs täzelenme ýygylygy bilen 6,7 dýuýmlyk Super AMOLED+ ekrany bilen üpjün edildi. Täze smartfonyň esasy aýratynlygy sekuntda 30 kadrda 4K durulykda wideo ýazmaga ukyply 50 Mp frontal kamera boldy. Optiki durnuklaşdyrma bilen esasy 50 Mp sensor 8 Mp ultra-giň burçly datçik we 2 Mp makromodul bilen utgaşýar.
Smartfonyň öndürijiligine Qualcomm Snapdragon 7 Gen 1 çibi, 8 GB operatiw ýat we 256 GB hemişelik ýat jogap berýär. 5000 mAs sygymly akkumulýator 45 Wt çalt zarýad berşi goldaýar.
Täze Samsung Galaxy M55 Android 14-üň esasynda One UI 6.0 bilen ýola goýulýar. Öndüriji smartfony Android 18-e çenli goldamagy wada berýär. Beýleki aýratynlyklaryň arasynda Wi-Fi 6, Bluetooth 5.2 we galtaşyksyz töleg üçin NFC bar.
Smartfony häzirlikçe diňe Braziliýada, takmynan, 538 dollara satyn almak bolýar, bu bolsa M seriýaly smartfon üçin diýseň gymmatdyr.
