Mýunheniň “Bawariýasy” Zinedin Zidany toparyň tälimçisi wezipesine esasy dalaşgärleriň biri hasaplaýar diýip, Bild neşirine salgylanýan 777score habar berýär.
Tomas Tuhel klubdan gidenden soň, şu möwsümiň ahyrynda bu wezipe boş bolar.
Çeşmäniň habaryna görä, “Bawariýa” bilen Zidanyň arasynda entek ýüzbe-ýüz gepleşik bolmady, ýöne fransuz hünärmeniniň özi mýunhenlileriň toparyna ýolbaşçylyk etmek mümkinçiligi bilen gyzyklanýar. Zidan “Bawariýany” özüniň uly üstünlik gazanan topary bolan Madridyň “Realyna” meňzedýär. Mýunheniň klubunyň hem baý taryhy bar we ol Zidana gowy iş şertlerini hödürläp biler.
"Bawariýanyň" ýolbaşçylary toparyň öňki oýunçysy Frank Riberiniň Zidanyň kömekçisi bolmagyny isleýändigi bellendi.
Zidan 2021-nji ýyldan – Madridiň “Realyndan” çykany bäri tälimçilik bilen meşgullanmady.
