Ýandeks YandexGPT 3 neýrosetleriniň setirini yglan etdi. Setiriň ilkinji dil modeli - YandexGPT 3 Pro - Yandex Cloud web sahypasynda eýýäm bar. Ol işewürlik we IT önümleriniň meselelerini çözmäge gönükdirilendir diýip, iXBT.com habar berýär.
Işläp düzüjiler YandexGPT 3 Pro-nyň çylşyrymly talaplaryň üstünde has gowy işleýändigini we jogaplaryň görkezilen formatyna has takyk eýerýändigini bellediler.
Mundan başga-da, işewür ulanyjylar täze neýroseti özbaşdak taýýarlap hem bilerler.
“YandexGPT 3 Pro, YandexGPT 2 bilen deňeşdirilende, çylşyrymly meseleleri has netijeli çözýär we gepleşikleriň mazmunyna has gowy düşünýär. Dil modeli birnäçe şertli gözükdirmeleri gowy işleýär we faktlaryň üstünde has takyk işleýär, dürs we doly jogap berýär we stilistik ýalňyşlyklary has az goýberýär. Şol bir wagtyň özünde, YandexGPT 3 Pro, YandexGPT-niň dil modelleriniň öňki neslinden tapawutlylykda, az wagtda köp talaby gaýtadan işläp bilýär ”- diýip, kompaniýanyň metbugat gullugy düşündirdi.
Ýakyn geljekde YandexGPT-niň neýrosetleriniň üçünji nesli giň köpçülik üçin Ýandeks hyzmatlarynda peýda bolar.
Geljekde YandexGPT 3 setiri giňeldiler: her neýroset belli bir görnüşdäki meseleleri çözmäge gönükdiriler.
