CBR.com-nyň habar bermegine görä, “Kung-fu Panda” multfilmler seriýasy boýunça dünýädäki kassa ýygymlarynyň umumy girdejisi 2 milliard dollardan geçdi.
Üstünlik mart aýynyň başynda çykan täze - dördünji bölümiň güýçli görkezijileri bilen berkidildi. Film ABŞ-da we beýleki ýurtlarda 268 million dollar girdeji gazandy we “Kung-fu Panda” “Nemonyň gözleginde” filminden öňe geçip, taryhda iň köp girdeji gazanan ýedinji franşiza boldy.
2008-nji ýylda surata düşürilen seriýaly ilkinji multfilm 632 million dollar gazandy. Onuň 2011-nji ýylda çykan dowamy 665,6 million dollar, 2016-njy ýyldaky trikwel 521,1 million dollar girdeji gazandy.
“Kung-fu Panda”-dan başga-da, “Dýuna” we “Jyn-arwahyň awçylary” filmleriniň geçen hepdäniň ahyrynda milliardlarça görkezijä ýetendigini bellemelidiris.
