2024-nji ýylyň Ýewropanyň futbol boýunça çempionatynyň esasy böleginde oýnamaga hukuk gazanmak üçin soňky geçiş oýunlary oýnaldy. Ýaryşyň soňky gatnaşyjylary Gruziýanyň, Ukrainanyň we Polşanyň milli ýygyndylary boldy.
Şeýlelik bilen, Ýewro-2024-de şu aşakdakylar oýnar:
- A topar: Germaniýa, Şotlandiýa, Wengriýa, Şweýsariýa;
- B topar: Ispaniýa, Horwatiýa, Italiýa, Albaniýa;
- C topar: Sloweniýa, Daniýa, Serbiýa, Angliýa;
- D topar: Polşa, Niderlandlar, Awstriýa, Fransiýa;
- E topar: Belgiýa, Slowakiýa, Rumyniýa, Ukraina;
- F topar: Türkiýe, Gruziýa, Portugaliýa, Çehiýa.
Ýewro-2024-iň final bölegi 14-nji iýundan 14-nji iýul aralygynda Berlin, Kýoln, Frankfurt-na-Maýne, Gelzenkirhen, Gamburg, Leýpsig, Mýunhen, Ştutgart we Dortmund şäherlerinde geçiriler.
Açylyş oýnunda Germaniýanyň we Şotlandiýanyň milli ýygyndylary oýnar.
