Warner Bros. Discovery anime önümçiligine maýa goýumyny artdyrmagy göz öňünde tutýar diýip, “Variety” neşiri habar berýär. Kompaniýa 18 – 30 ýaş aralygyndaky ýaş auditoriýanyň ünsüni çekip biljekdigine ynanýar.
“Biz DC älemine göz aýladyk we özümize “Biz bu gahrymanlary alyp, olaryň wakasyny täzeçe – ýöne änime dünýäsinde gürrüň berip bilerismi?” diýen soragy berdik” – diýip, kompaniýanyň Aziýa-Ýuwaş ummany sebiti boýunça ýolbaşçysy Jeýms Gibbons belledi. Şeýle-de, ol animeni döretmegiň aňsat iş däldigini we muşdaklary gazanmak üçin “dogry studiýalar” bilen hyzmatdaşlygy talap edýändigini sözüniň üstüne goşdy.
Kompaniýanyň Aziýa bölümçesi 2011-nji ýylda esaslandyryldy we häzire çenli ol “JoJonyň täsin başdan geçirmeleri”, “Ahyrzaman barada powest” we “Betmen-nindzýa” ýaly 80-den gowrak anime-serial çykardy. Indi Warner Bros. ýylda 10 anime çykarmagy meýilleşdirýär. Tiz wagtdan “Öz janyna kast edijileriň topary: Başga dünýä” animesi çykmaly.
