Meksikanyň we Amerikanyň milli ýygyndy toparlary Demirgazyk we Merkezi Amerikanyň hem-de Karib basseýniniň ýurtlarynyň futbol konfederasiýasynyň Milletler ligasynyň (KONKAKAF) finalynda duşuşarlar.
Ýaryşyň ýarym finalynda amerikalylar goşmaça wagtda 3:1 hasabynda Ýamaýkanyň toparyny ýeňdiler. Ýeňijileriň düzüminde Haji Raýt goşmaça wagtda iki gol saldy (96-njy we 109-njy minut). Duşuşygyň esasy wagtynda Ýamaýkanyň milli ýygyndysynyň oýunçysy Kori Burk topy öz derwezesine girizdi (90+6). Amerikan toparynyň derwezesine topy Gregori Leý (1) saldy.
Meksikalylar ýarym final oýnunda Panamanyň toparyny 3:0 hasabynda ýeňdiler. Duşuşykda Edson Alwares (40), Hulian Kinýones (43) we Orbelin Pineda (67) tapawutlandylar.
KONKAKAF Milletler ligasynyň finaly 24-nji martda ABŞ-nyň Tehas ştatynyň Arlington şäherinde geçiriler.
