“Kung-fu panda 4” ABŞ-nyň prokatynda ilkinji uikendini şowly başlady

  • 12.03.2024 14:49
  • 4.8k+

“Kung-fu pandanyň” dördünji bölümi amerikan prokatynda şowly başlap, birinji orundan “Dýuna 2-ni” gysyp çykardy. Film ABŞ-da 58 mln dollar gazandy, beýleki ýurtlary hasaba alanyňda girdeji ýygymy 80 mln dollar boldy diýip, dtf.ru belleýär.

ABŞ-da multfilm birinji filmiň döwründen bäri seriýa üçin iň gowy başlangyjy görkezdi – onuň birinjisi 2008-nji ýylda 60 mln dollar ýygnapdy. Şol bir wagtyň özünde, dördünji bölüme öňkülerden has az çykdajy edildi: marketingi hasaba almazdan onuň önümçiligine 150-niň deregine 85 mln dollar sarp edildi.
Analitikler şeýle başlangyjy “Kung-fu panda 4” üçin şowly hasap edýärler. Ýöne film girdeji getirip başlamak üçin 200 mln dollardan köp gazanmaly bolar.
ABŞ-da “Dýuna 2-niň” girdeji ýygymy ikinji uikendde 44% azaldy – bu blokbaster üçin gowy görkeziji. Ýygym 46 mln dollar boldy, ABŞ-da umumy girdeji ýygymy bolsa 157 mln dollar boldy. Filmiň dowamyna 2021-nji ýylda birbada HBO Max onlaýn kinoteatrynda hem çykarylan birinji bölümden köp ýygnamak üçin on gün gerek boldy.  
Deni Wilnýowyň filminiň dünýädäki girdeji ýygymy 367 mln dollara ýetdi.


23.10.2025 18:09
16k+

Nýu-Ýorkda “millionerleriň köçesinde” 102 gatly bina ýumrulyp başlady

Ýakynda Nýu-Ýorkdaky Park-awenýuda gurlan 102 gatly ýaşaýyş jaýy ýumrulmak howpunyň astynda düşdi. The New York Times-yň maglumatlaryna görä, munuň güman edilýän sebäbi gurluşykda ulanylan betonyň düzüminiň üýtgedilmegi boldy...

23.10.2025 18:04
3.3k+

Disney “Tron: Ares” filminiň şowsuz bolmagy sebäpli $133 mln möçberde ýitgi çeker

Belli “Tron” ylmy-fantastik franşizasynyň dowamy bolan “Tron: Ares” filmi Disney üçin şowsuz taslama boldy. Deadline neşiriniň habar bermegine görä, kompaniýa onuň önümçiligine, takmynan, 220 mln dollar sarp etdi – bu tutuş franşiza üçin rekord mukdardyr...

23.10.2025 17:43
1.7k+

Netflix baş keşpde Maýkl Fassbenderiň oýnamagynda Kennedi maşgalasy barada serial düşürer

Netflix we Chernin Entertainment ABŞ-nyň 35-nji Prezidenti Jon Kennediniň kakasy, işewür we diplomat Jozef Patrik Kennedi-ulynyň durmuşyna bagyşlanan “Kennedi” drama serialynyň üstünde işläp başlady diýip, Deadline ýazýar...

21.10.2025 10:54
2.8k+

“Mahabat” müdirligi «Meniň oýnum» atly täze multfilm çykardy

Ýakynda “Mahabat” müdirligi Mämmetjanyň başdan geçirmeleri dogrusynda gürrüň berýän multfilmiň «Meniň oýnum» atly täze bölümini halk köpçüligine ýetirdi. Multfilmi döretmek üçin döredijilik toparynyň eden yhlasy onuň täsirli sahnalarynda, gahrymanlaryň gyzykly gürrüňlerinde hem-de hereketlerinde, şeýle hem olaryň ýatda galyjy seslendirmelerinde has-da aýdyň görünýär...