4-nji martda SpaceX kosmosdan nebit we gaz pudagynyň metan zyňyndylaryna gözegçilik etmek üçin döredilen MethaneSAT hemrasyny üstünlikli uçurdy. Cybernews.com-yň habar bermegine görä, uçuryş Google-yň, EDF-iň, Täze Zelandiýanyň kosmos gullugynyň we Garward uniwersitetiniň bilelikdäki taslamasydyr.
MethaneSAT maglumaty gaýtadan işlemekde we ýüze çykarylan zyňyndylar barada interaktiw maglumatlary bermekde Google Cloud-yň hasaplaýyş mümkinçiliklerini ulanar. Maglumat EDF web sahypasynda we Google Earth Engine-de elýeterli bolar, bu köpçülige metan bilen hapalanma garşy göreşde öňegidişligi yzarlamaga mümkinçilik berer.
Innowasiýa hemrasy howanyň üýtgemegine garşy göreşde gymmatly gural bolar. Metanyň zyňyndylary parnik täsiri sebäpli howa üçin çynlakaý howp döredýär; bu gazyň güýji kömürturşy gazynyň ýylylyk kuwwatyndan 80 esse ýokarydyr. Nebit we gaz pudagy onuň iň uly çeşmelerinden biridir.
Sputnik COP28-de metanyň zyňyndylaryny azaltmagy wada beren 50-den gowrak nebit we gaz kompaniýasyna kömek eder.
