Disney, Viacom 18 we Reliance Industries Limited Hindistanda bilelikdäki kärhananyň döredilýändigini yglan etdi. Ylalaşygyň bahasy 8,5 milliard dollar diýip, Disney-iň metbugat beýanatynda aýdyldy.
Amerikanyň Viacom metbugat kompaniýasy täze kompaniýanyň 46,82 göterim paýyna, Disney 36,84 göterim paýa, Mukeş Ambani tarapyndan dolandyrylýan hindi konglomeraty Reliance bolsa 16,34 göterim paýa eýe bolar.
Reliance Industries bilelikdäki kärhana 1,4 milliard dollar maýa goýar. Disneý bilelikdäki kärhana goşmaça media aktiwlerini hem geçirip biler.
Bilelikdäki Hindistanda Disney-iň filmlerini we seriallaryny ýaýratmak üçin aýratyn hukuklara eýe bolar, şeýle hem dürli sport çärelerini we güýmenje mazmunyny ýaýlyma bermäge hukuk alar. Mümkin bolan tomaşaçylaryň sany, beýleki ýurtlarda ýaşaýan hindileri hasaba almazdan, 750 million adam bolar diýip hasaplanýar.
Disney-iň başlygy Bob Aýger: "Hindistan dünýädäki iň uly bazardyr we bilelikdäki kärhananyň kompaniýa üçin uzak möhletleýin gymmatlyk döretmekde açjak mümkinçiliklerine begenýäris" – diýip nygtady.
