«Mançester Siti» klubunyň hüjümçisi Erling Holand, Angliýanyň Kubogynyň oýunlarynda 1970-nji ýyldan bäri penta-trik amala aşyran ilkinji futbolçy boldy.
Norwegiýaly «Lutona» garşy 1/8 final oýunda 5 pökgi geçirdi.
Angliýanyň Kubogynyň oýunlarynda iň soňky gezek bäş ýa-da ondan köp pökgi geçirmegi «Mançester Ýunaýtediň» düzüminde çykyş eden Jorj Best başarypdy.
«Mançester Siti» «Luton» klubuny 6:2 hasabynda ýeňdi. Bu ýeňiş Hosep Guardiolanyň toparyna ýaryşyň çärýek finalyna çykmaga mümkinçilik berdi.
Angliýanyň premýer-ligasynyň (APL) sanawda «Mançester Siti» 59 utuk bilen ikinji orunda barýar. «Liwerpul» 60 utuk bilen ýaryşda öňdeligi eýeleýär. Londonyň «Arsenaly» ilkinji üçlügi tamamlaýar. Paýtagtyň kluby 58 utuk toplady.
