Täze iOS 18 operasion sistemasy iPhone XR, iPhone XS, iPhone XS Max we has täze Apple smartfonlary bilen gabat geler. Bu barada çeşmelere salgylanyp, MacRumors neşiri ýazýar.
Maglumatlara görä, iOS 18 iOS 17-niň gabat gelýän iPhone modelleri bilen gabat geler. Şeýlelikde, bu operasion sistemany göterýän gurluşlaryň sanawyna iPhone 15, 15 Plus, 15 Pro, 15 Pro Max, iPhone 14, 14 Plus, 14 Pro, 14 Pro Max, iPhone 13, 13 mini, 13 Pro, 13 Pro Max, iPhone 12, 12 mini, 12 Pro, 12 Pro Max, iPhone 11, 11 Pro, 11 Pro Max, iPhone XS, XS Max, iPhone XR, iPhone SE 2 we SE 2 girdi.
iPadOS 18 bilen bagly ýagdaý birneme başgaçadyr. Şu ýyl A10X Fusion prosessorlary bolan we ondan hem täze planşetler täzelenmä eýe bolarlar. Bu iPadOS 18-iň 2017-nji ýylda çykan 10,5 dýuýmlyk birinji nesil iPad Pro modelleri we 12,9 dýuýmlyk ikinji nesil iPadPro modelleri bilen gabat gelmejekdigini aňladýar. Şeýle-de, iPadOS 18 operasion sistemasyny 2019-njy ýyldan öň çykan iPad mini we iPad Air almaz.
Apple kompaniýasynyň iOS 18 bilen iPadOS 18-i iýun aýynda WWDC konferensiýasynda anons etmegine garaşylýar. Täzelenmeleriň relizi sentýabr aýynda bolup biler.
