“Formula-1” ulag klasyndaky awtoýaryşlar boýunça dünýä çempionatynyň 75-nji möwsümi şu gün Bahreýniň Sahir awtodromynda başlaýar. Bu barada Trend agentligi belleýär.
Bahreýnde geçirilen üç günlük synaglaryň netijesinde hünärmenler bu möwsümde-de “Red Bull” we onuň lideri Maks Werstappen bilen deňleşjek bolmaz diýen pikire geldiler.
“Ferrariniň” sürüjisi Şarl Lekler we ispaniýaly Karlos Saýns synaglaryň jemleýji jedwelinde gowy netijeleri görkezip bildiler, ýöne bu iň ýumşak şinalaryň kömegi bilen gazanyldy. Geçen möwsümde Saýns Werstappenden we Peresden daşary ýeňiş gazanyp biljek ýeke-täk sürüjidi. Hemiltondan we Rasselden ybarat “Mersedes” topary-da “Ferrari” bilen deňeçer derejede ýerleşýär.
Badalga aljak möwsümde sprint ýaryşly (100 km aralyga ýaryş) alty tapgyr bolar. Sprint ýaryşlarynyň jemi boýunça ilkinji sekiz sürüji utuk gazanýar: ýeňiji sekiz utuk, sekizinji bolup gelen bolsa bir utuk alýar. Sprint ýaryşlary Hytaýdaky, Maýamidäki (3-5-nji maý), Awstriýadaky (28-30-njy iýun), ABŞ-daky (18-20-nji oktýabr), Braziliýadaky (1-3-nji noýabr) we Katardaky (29-njy noýabr-1-nji dekabr) tapgyrlarda geçiriler. Çempionat Abu-Dabide tamamlanar (6-8-nji dekabr).
