Sky Studios kompozitor Wolfgang Amadeý Mozart barada täze baýopik serialy surata düşürer we onda baş keşbi britaniýaly Will Şarp (“Ak lotos”) janlandyrar. Bu barada Deadline neşirine salgylanyp, film.ru habar berýär.
“Amadeý” taslamasy XVIII asyryň ahyrlarynda Mozartyň Wenadaky ýaşlygy barada gürrüň berer. Ol ýerde kompozitor geljekki aýaly Konstansiýa we ganym duşmany Antonio Saleri bilen tanyşýar.
Serial Piter Şefferiň adybir teatr pýesasyna esaslanýar. Ol boýunça 1984-nji ýylda film hem surata düşürilipdi. Serialyň reliziniň anyk senesi heniz belli däl.
“Amadeýiň” üstünde “Bergi/utanç” (Duty/Shame) serialynyň awtorlary Jo Barton we Julian Farino işleýär. Belläp geçsek, Şarp aktýorlyk karýerasyndan daşary režissýor hökmünde hem bellidir.
