490-dan gowrak türgen kikboksing boýunça Aşgabadyň birinjiligine gatnaşdy

  • 22.02.2024 17:39
  • 9.8k+

Aşgabatda 19 – 22-nji fewral aralygynda kikboksing boýunça şäher birinjiligi geçirildi. Ýaryşa welaýatlaryň we paýtagtyň toparlaryndan 490-dan gowrak türgen gatnaşdy. Bu barada Türkmenistan Halkara habarlar portaly habar berýär.

Türgenler 23 kg-den 75 kg çenli dürli agram derejesinde göreşdiler. Bäsleşikde güýç, çydamlylyk we erjellik görkezen 2012-2013-nji ýylda doglan ýaş kikboksçylar aýratyn ünsi çekdi. Ýaş türgenlerden başga-da, birinjilige halkara ýaryşlarynda baýrakly orunlary eýelän tejribeli türgenler hem gatnaşdy.
Ýaryş halkara ülňülerine laýyklykda geçirildi: her bir söweş 1 minut arakesme bilen her biri 2 minut dowamlylygynda üç raunddan ybarat boldy.
Altyn medala, esasan, Aşgabatdan türgenler eýe boldy (30). Lebapdan gelen kikboksçylaryň hasabynda 13 altyn medal bar, Ahal, Mary we Balkan welaýatlaryndan gelen türgenleriň hasabynda bolsa bir altyn medaldan bar.
Birinjiligiň maksady geljekde halkara ýaryşlarynda, şol sanda dünýä çempionatynda Türkmenistana wekilçilik edip biljek zehinli türgenleri ýüze çykarmakdan ybaratdy. Ýeňijiler Aşgabat şäheriniň bedenterbiýe we sport baradaky Baş müdirliginden gymmatly sowgatlar, hormat hatlary we medallar bilen sylaglandy.
Kikboksing ýurtda sportuň iň meşhur görnüşleriniň biridir. Bu görnüş bilen 5000-den gowrak adam meşgullanýar. Türkmenistanyň kikboksing federasiýasy 1992-nji ýyldan bäri işleýär.


düýn 12:10
5.3k+

«Arkadag» FK bassyr üçünji ýyl wagtyndan öň Türkmenistanyň çempiony boldy

«Arkadag» futbol kluby bassyr üçünji ýyl wagtyndan öň Türkmenistanyň futbol çempionatynyň ýeňijisi boldy. Çempionatyň nobatdaky tapgyrynda Aşgabatda geçirilen duşuşykda “Arkadag” “Ahal” toparyndan 1:0 hasabynda üstün çykdy...

25.10.2025 17:52
6.8k+

“Altyn Asyr” AFK-nyň Çagyryş ligasynda “Abdyş-Atany” utdy

“Altyn Asyr” futbol kluby AFK-nyň Çagyryş ligasynyň toparlaýyn tapgyryna şowly başlady. Ol ilkinji oýunda “Abdyş-Ata” gyrgyz klubuny 1:0 hasabynda utdy. Oýun 25-nji oktýabrda geçirildi. Oýunda ýeke-täk goly 58-nji minutda Myrat Annaýew geçirdi...

24.10.2025 10:48
9.6k+

Türkmenistanda iň çalt gol hasaba alyndy. Ol 4-nji sekuntda geçirildi

Ýaşlar düzümleriniň gatnaşmagyndaky futbol boýunça Türkmenistanyň birinjiliginiň 22-nji tapgyrynyň wagty süýşürilen duşuşygynda Türkmenistanda iň çalt gol hasaba alyndy. «Şagadamyň» ýaşlar düzümi bilen geçirilen duşuşykda «Merw II» toparyndan Muhammet Allaberdiýew duşuşygyň 1-nji minutynda topy meýdanyň orta gürpünden derwezä depip, toparyny öňe saýlady...

24.10.2025 10:01
1.7k+

Türkmenistan ÝUNESKO-nyň maslahatynda sportuň arassalygyny goramak we dopinge garşy göreş tagallalaryna goldawyny bildirdi

Türkmenistanyň wekiliýeti Sportda dopinge garşy göreş baradaky Halkara konwensiýasynyň Taraplarynyň Maslahatynyň 10-njy sessiýasyna (COP10) gatnaşdy. Mejlis Fransiýanyň Pariž şäherindäki ÝUNESKO-nyň ştab-kwartirasynda 20-22-nji oktýabr aralygynda geçirildi diýip, Türkmenistanyň DIM-nde habar berdiler...