«Samsung» kompaniýasy Günorta Koreýada «Galaxy Buds 2 Pro» gulaklyklarynyň täze – «Twin Bao» nusgasyny hödürledi. «Twin Bao» ýakynda «Samsung Everland» seýilgähinde Hueý Bao we Ruý Bao atly panda çagalarynyň dünýä inmegi mynasybetli döredilen ýörite nusgadyr. Bu barada «GizmoChina» habar berýär.
«Twin Bao» ýumşak matadan pandanyň kellesi şekilindäki gaply «Galaxy Buds 2 Pro» gulaklyklarydyr. «Samsung» iki nusga döretdi: gara gulaklyklar Ruý Baony, aklary bolsa Hueý Baony aňladýar. «Galaxy Buds 2 Pro» gulaklyklaryny eýýäm ulanýan ulanyjylaryň daşlyklary aýratyn satyn almaga mümkinçilikleriniň bardygy bellenilýär.
Çaga pandalaryň atlary «şöhle saçýan hazyna» (Hueý Bao) we «paýhasly hazyna» (Ruý Bao) diýmegi aňladýar. «Twin Bao» gaplary pandalaryň ýüzleriniň özboluşly aýratynlyklaryny gaýtalaýar. Mysal üçin, Hueý Baonyň Ruý Baonyňkydan has giň burny bar.
«Galaxy Buds 2 Pro» gulaklyklarynyň özüne çekiji nusgasy diňe Günorta Koreýada 2024-nji ýylyň 21-nji fewralyndan 195 müň won (takmynan 146 dollar) bahadan satylar. Diňe daşlyklaryň bahasy 42,9 müň won (takmynan 32 dollar) bolar.
Tehniki aýratynlyklary boýunça täze «Galaxy Buds 2 Pro Twin Bao» adaty gulaklyklar bilen birmeňzeş häsiýetlere eýedir.
