Internetde «Samsung» kompaniýasynyň resmi mahabat materiallary peýda bolup, onda kompaniýanyň nobatdaky arzan smartfony «Galaxy F15» barada anyk maglumatlar beýan edilýär. Bu barada gazeta.ru «Smartprix» neşirine salgylanyp habar berýär.
Smartfon «MediaTek Dimensity 6100+» prosessory bilen üpjün ediler we «Dimensity 720» çipsetli «Galaxy A15-den» has güýçli bolar. «Galaxy F15-iň» 6000 mA/s sygymly akkumulýatory bolup, ol USB-C porty bilen 25W çalt zarýad bermegi goldaýar.
Mahabat materiallaryndan täze önümiň üç kamera bölümini aljakdygy hem aýdylýar. Modullaryň aýratynlyklary açylyp görkezilmese-de, toplumda giň burçly kamera, ultra giň burçly kamera we makrokamera bolar.
«Galaxy F15» 2027-nji ýyla çenli «Android» täzelenmeleri, şeýle hem 2029-njy ýyla çenli howpsuzlyk programmalary bilen üpjün ediler diýlip garaşylýar.
Syzdyrylan maglumatlardan ýüze çykarylan başga bir maglumat «Galaxy F15-iň» «Voice Focus-y» goldaýanlygydyr. «Voice Focus» – bu telefon arkaly söhbetdeşlik wagtynda fon sesini kesýän we ulanyjynyň sesini beýleki adama has düşnükli edýän emeli aňa esaslanýan mümkinçilikdir.
Ekranyň aýratynlyklary belli däl, ýöne «Galaxy F15-iň» 90Hz täzelenme tizligi bolan 6,5 dýuým ekrana eýe bolmagyna garaşylýar.
«Samsung Galaxy F15» 2024-nji ýylyň 22-nji fewralynda Hindistanda satuwa çykarylar. Şol gün kompaniýa täze önümiň bahasyny aýan eder. Onuň bahasynyň başga bir arzan smartfonyňka – «Galaxy A15-iň» bahasyna deň bolmagyna garaşylýar.
