Microsoft-yň prezidenti Bred Smit emeli aňyň döredýän kemsidiji mazmunyna garşy göreşmegiň meýilnamasyny yglan etdi.
Ol birnäçe möhüm ugry görkezdi. Kompaniýa jedelli we kemsidiji mazmuny petiklemek üçin takyk süzgüçleri taýýarlamagy dowam etdirer.
Düzgünleri bozan ulanyjylar petiklener.
Şeýle-de, döredilen mazmuny bellemek ulgamy hem ornaşdyrylýar. Korporasiýa eýýäm ony Microsoft Designer, Bing we Copilot ýaly önümlerde ulanýar. Geljekde bu tejribäni giňeltmek meýilleşdirilýär.
Geljekde kompaniýa beýleki pudak wekilleri we hukuk goraýjy edaralar bilen hyzmatdaşlyk etmekçi. Şeýle hem, Smit jemgyýete döredilen mazmuny hakyky mazmundan tapawutlandyrmagy öwretmegiň zerurdygyny aýtdy.
Smit gündelik durmuşda neýrosetiň has köp ulanylýandygyny we eger düzgünleşdirilmese, onuň aldaw, gorkuzmak we hile gurmak üçin täze gural bolup biljekdigini aýtdy.
