2024-nji ýylyň 16-njy fewralynda Günüň ýüzünde X2.5 klasa degişli kuuwatly tolgunma bolup geçdi. Bu klas öz kategoriýasynda iň ýokarysydyr. Bu barada TASS agentligi Amaly geofizika institutynyň Geliogeofizika gullugyna salgylanyp habar berdi.
Aşgabat wagty bilen 11:53-de hasaba alnan tolgunma 16 minut dowam etdi we radioşöhlelenme hem-de radioaragatnaşyk-kommunikasiýa ulgamlarynyň bozulmagyna getirdi.
Ýeriň ionosferasyna täsir derejesi bäş derejeli şkalada R3 (güýçli) derejäni görkezdi. R5 - ekstremal dereje. Häzirki wagtda ol R1 (gowşak) derejä çenli aşak düşdi.
Gün şöhlelenmeleri A, B, C, M we X klaslara bölünýär.
X – iň kuwwatly klas. A0.0 minimal klas Ýeriň orbitasynda 1 inedördül metre 10 nWt şöhlelenme kuwwatyna deň. Indiki harpa geçende kuwwatlylyk 10 esse artýar.
Tolgunma netijesinde Günde plazma buludy emele gelip biler, ol Ýere aralaşyp, magnit hadysasyny döredip biler.
Magnit hadysalary adamlaryň özüni duýşuna, elektrik enjamlaryň we hemra ulgamlarynyň işine täsir edip bilýär.
