Amerikaly aýdymçy we aktrisa Jennifer Lopez geljekki This Is Me... Now albomynyň we This Is Me... Now: A Love Story kinokartinasynyň üstündäki işler barada dokumental film çykarar. Bu barada Rolling Stone portalyna salgylanyp, lenta.ru habar berýär.
Kinolentany Amazon MGM Studios hödürlär. Kartina The Greates Love Story Never Told adyny aldy, onuň relizi 27-nji fewrala meýilleşdirilýär.
Kinolenta Lopeziň “iň batyrgaý taslamasyny: onuň özüne bolan söýgä tarap 20 ýyllyk ýoluny öwrenýän täze albomynyň we filminiň garaşsyz önümçiligini durmuşa geçirmäge nähili synanyşyk edýändigi barada gürrüň berer. Şeýle-de, tomaşaçylara “açyk maşgala pursatlarynyň” bolmagy wada berilýär.
Öň habar berşimiz ýaly, This Is Me... Now albomy This is Me... Then albomynyň 20 ýyllygyna bagyşlanýar. Bu albom aýdymçynyň soňky 10 ýylda ilkinji studiýa albomy boldy. Albomdan ilkinji aýdym Can’t Get Enough şu ýylyň 10-njy ýanwarynda çykdy.
