Marvel studiýasy X sosial ulgamynda “Fantastiki dörtlük” filminiň aktýorlar düzümini we çykjak senesini mälim etdi. Bu barada gazeta.ru habar berýär.
Garaşylyşy ýaly, Rid Riçardsyň super gahrymanlar toparynyň lideri roluny “Emmi” baýragyna üç gezek dalaşgär Pedro Paskal ýerine ýetirer. “Täjiň” ýyldyzy Wanessa Kirbi filmde Sýu Ştormyň (Göze görünmeýän zenan) keşbinde çykyş eder. “Örän täsin işler” serialynyň netijesinde meşhurlyga eýe bolan aktýor Jo Kuinn bolsa Jonni Ştorm (Fakel adam) bolar, “Jezalandyryjy” (“The Punisher”) üçin “Emmi” baýragyna mynasyp bolan Ebon Moss-Bakrak hem Ben Grimmiň (Jandar) keşbini oýnar.
“Fantastiki dörtlügiň” premýerasy 2025-nji ýylyň 25-nji iýulyna meýilleşdirilýär, filmiň surata düşürilişi 2024-nji ýylyň üçünji çärýeginde başlar. Režissýor hökmünde Mett Şekman çykyş eder.
