Samsung kompaniýasy Galaxy S24 hatarynyň täze flagmanlary üçin programma üpjünçiliginiň uly täzelenmesini resmi taýdan anons etdi. Bu barada ixbt.com habar berýär. Apdeýt eýýäm fewral aýynda çykar we köp sanly kemçilikleri düzeder: aýratynam, ekran Vivid režiminde has ýagty we doýgun bolar (häzir Vivid bilen Normal-yň arasynda hiç hili tapawut ýok we bu programma üpjünçiliginiň kemçiligidir).
Şeýle-de, Samsung täzelenmede zumy, portret režimini, gijeki surata düşüriş režimini, esasy kamera bilen wideo düşürişi kämilleşdirer.
“Siziň [ulanyjylaryň] seslenmelerine esaslanyp, biz öňümizdäki täzelenmede displeý we kamera sazlamalarynyň giňeldilen mümkinçiliklerini hödürläris, bu enjam we programma üpjünçiligini birleşdirmek tagallalarynyň kömegi bilen mümkin boldy” – diýip, Samsung habar berdi.
