J.D. Power we HotCars tarapyndan geçirilen gözlegiň netijesine görä, 2014-nji ýylda çykan Toyota Camry şu wagta çenli goýberilen ýapon awtoulaglarynyň arasynda ygtybarlylygy boýunça iň ýokary baha eýe boldy.
Gözlegiň dowamynda ýapon awtoulag modelleri we olaryň soňky iki onýyllygyň dowamynda J.D. Power hili we ygtybarlylyk derejeleri seljerildi.
Şonuň ýaly-da, su aşakdaky faktorlar göz öňünde tutuldy:
- - tehniki hyzmat üçin ýyllyk çykdajylar (RepairPal-dan);
- - hyzmat üçin 10 ýyllyk çykdajylar (CarEdge-den);
- - Milli ýol hereketiniň howpsuzlygy dolandyryş gullugyndan (NHTSA) yzyna çagyryşlar hakyndaky maglumatlar;
- - KBB-dan we Edmunds-dan sarp edijileriň seslenmeleri;
- - Ulanylan awtoulaglaryň bahasy (KBB-den).
2014-nji ýylyň Toyota Camry-si mümkin bolan 100 baldan 92 bal gazanyp, ygtybarlylygy üçin ýokary baha alan Lexus IS 2022-den we Toyota Corolla 2019 ýaly modellerden ozdurdy.
Orta hasap bilen, 2014-nji ýylda çykan Toyota Camry-niň eýeleri tehniki hyzmat üçin ýylda 387 dollar sarp edip, bu bolsa onuň diňe bir ygtybarly ulag däl, eýsem tygşytlydygyny hem aňladýar.
Ýaponiýanyň iň ygtybarly 10 awtoulagynyň sanawy:
- Toyota Camry 2014 - 92/100
- Lexus IS 2022 - 92/100
- Toyota Corolla 2019 - 92/100
- Toyota Prius 2015 - 88/100
- Mazda MX-5 Miata 2008 - 86/100
- Honda Fit / Honda Jazz 2017 - 85/100
- Honda Accord 2016 - 84/100
- Mazda 6 2017 - 84/100
- Mazda 3 2010 - 83/100
- Honda Civic 2009 - 83/100
