15-nji fewralda SpaceX kompaniýasynyň Falcon 9 raketasy Hýustonda ýerleşýän Intuitive Machines hususy kompaniýasy tarapyndan gurlan Nova-C “Odissey” Aýa gonuş modulyny orbita üstünlikli çykardy. Bu barada Bloomberg gullugy habar berdi.
Aýa gonuş 22-nji fewrala meýilleşdirilýär. Şowly bolsa, bu Amerikanyň kosmos gämisiniň 52 ýyldan soň hemra ilkinji gonuşy bolar.
Modul traýektoriýany düzetmek üçin üç sany manýowr eder. Hemranyň ýüzüne düşmek 24 kilometrlik Malapert A. kraterinde meýilleşdirilýär. Bu taryhda iň günorta nokada gonuş bolar.
“Artemida” maksatnamasynyň çäginde, geljekde adamy Aýa gondurmak üçin “Odisseýiň” aňtaýjy bolup hyzmat etmegine garaşylýar.
Intuitive Machines kompaniýasynyň dünýäde modulyny Aýyň üstünde ýerleşdiren ilkinji hususy kompaniýa bolmagyna garaşýar.
Bu modulda NASA-nyň 6 guraly we birnäçe hususy ýük göterijileri bar.
Intuitive Machines-iň Aýdaky ilkinji işi şowly bolsa, ýene iki modul iberiler.
Şeýle hem bu kompaniýa Aýyň orbitasynda hemralaryň nawigasiýa-maglumat toparyny döretmegi we beýleki birnäçe aý taslamalaryny durmuşa geçirmegi meýilleşdirýär.
