Super Bowl-2024 Amerikanyň telewideniýesiniň taryhyna girdi we adamyň Aýa gadam basanyndan bäri iň köp tomaşa edilýän ikinji ýaýlym boldy diýip Deadline habar berýär.
Milli Futbol Ligasynyň (Amerikan futboly) “Kanzas-Siti Çifs”-iň “Filadelfiýa Iglz”-i 38-35 hasabynda ýeňen soňky oýny 123,4 million tomaşaçyny özüne çekdi.
Bu diňe bir NFL-niň ähli 58 finalynyň arasynda iň köpi bolman, eýsem soňky 40 ýylda iň ýokary görkeziji.
2024-nji ýyldaky Super kubogyň üstünligi ýyldyzlardan ybarat düzümi, Teýlor Swiftiň töweregindäki gyzykly sýužet we söýgi gatnaşyklary bilen baglanyşykly hasap edilýär.
“Çifs”-iň oýunçysy Trewis Kelsi bilen duşuşýan meşhur aýdymçy toparyň hakyky tumaryna öwrüldi. Onuň münberde bolmagy diňe bir oýna bolan gyzyklanmany artdyrman, eýsem CBS-ni rekord mukdardaky diňleýjiler bilen üpjün etdi.
Oýunda arakesmesi wagtynda esasy gahrymany Aşer bolan şüweleň hem tankytçylaryň ýokary öwgüsine eýe boldy.
1969-njy ýylda ilkinji kosmonawtyň Aýa gondurylyşynyň ýaýlymda görkezilişine ABŞ-nyň 125-150 million ilatynyň tomaşa edendigini bellemelidiris.
