“Variety” neşiri Apple-iň “Çozuş” ylmy-fantastiki serialyny üçünji möwsüme uzaltmak kararyna gelendigini habar berdi. Görnüşi ýaly, taslama reýting we tomaşalar taýdan-da gowy netijeleri görkezýär diýip, championat.com belleýär.
“Çozuş” özge dünýäden gelenleriň Ýere çozuşyna bagyşlanan serialdyr. Ol adamlaryň planetanyň dürli künjeklerinde hüjümleri nähili başdan geçirýändigini görkezýär.
Serialyň şourannerleri hökmünde Dewid Weýl we Saýmon Kinberg çykyş edýär. Kinberg üçünji möwsümiň öňki möwsümlerden has göwrümli boljakdygyny belledi.
Ilkinji iki möwsüme Apple TV+ hyzmatynda tomaşa etmek bolýar. Birinji möwsümiň premýerasy 2021-nji ýylyň oktýabr aýynda boldy. Ikinji möwsüm 2023-nji ýylyň awgust aýyndan oktýabr aýyna çenli dowam etdi. Üçünji möwsümiň surata düşürilişi fewral aýynyň ahyrynda başlar.
