Aşgabadyň “Altyn Asyr” futbol kluby Moskwanyň “Lokomotiw” kluby bilen ýoldaşlyk oýnuny geçirer. Bu barada Russiýanyň Premýer-ligasynda çykyş edýän klubuň metbugat gullugynda habar berildi.
Oýun 16-njy fewralda BAE-de geçiriler we Aşgabat wagty bilen 18:00-da başlar. Häzir toparlaryň ikisi-de gyşky türgenleşik üçin BAE ugrady.
Bu taryhda “Altyn Asyr” bilen “Lokomotiwiň” arasynda ilkinji oýun bolar.
“Altyn Asyryň” BAE-de gyşky türgenleşigi 2-nji marta çenli dowam eder. 4-nji marta meýilleşdirilen Türkmenistanyň çempionaty – 2024 başlanmazdan öň, Ýazguly Hojageldiýewiň topary daşary ýurt klublary bilen birnäçe ýoldaşlyk duşuşyklaryny geçirer.
