GAR-yň milli ýygyndysy Afrika milletleriniň kubogynda üçünji ýer ugrundaky oýunda Kongo DR-nyň toparyny utdy. Duşuşyk Kot-d'Iwuaryň Abijan şäherindäki "Feliks Hopýe-Boini" stadionynda geçirildi. Oýun Aşgabat wagty bilen 01:00-da başlandy we esasy wagtda 0:0, penalti tapgyrynda bolsa günorta afrikalylaryň peýdasyna 6:5 hasabynda tamamlandy.
Toparlaryň yhlasyna garamazdan, 90 minut golsuz geçdi. Penalti tapgyrynda bolsa GAR-yň milli ýygyndysynyň oýunçylary has takyk hereket etdiler.
Ýekşenbe güni geçiriljek ýaryşyň finalynda Nigeriýanyň we ýaryşyň eýesi bolan Kot-d'Iwuaryň milli ýygyndylary duşuşar.
