«Moana» multfilminiň ikinji bölüminiň çykjak senesi aýan edildi. Bu barada «Disney» kinokompaniýasynyň başlygy Bob Aýger habar berdi diýip, «NBC News» belleýär. Şol bir wagtyň özünde, studiýanyň «YouTube» kanalynda taslamanyň tizeri paýlaşyldy çap edildi.
Aýger multfilmiň dowamynyň onuň birinji bölümi çykandan sekiz ýyl soň, şu ýylyň 27-nji noýabrynda teatrlarda ilkinji gezek görkeziljekdigini aýtdy. Onuň bellemegine görä, başda «Moananyň» awtorlary serial döretmegi meýilleşdirýärdiler, ýöne dolymetražly animasion filmi çykarmak kararyna geldiler.
«Moana» diýseň meşhur franşiza bolmagynda galýar we «Moana 2» şu ýylyň noýabr aýynda teatrlara çykanda size Moana we Maui barada has köp zat görkezmek üçin sabyrsyzlyk bilen garaşýarys» diýip, Disney» kinokompaniýasynyň başlygy belledi.
Taslama Deýw Derrik-kiçi režissýorlyk edýär. Multfilmiň sazyny «Gremmi» baýragynyň eýeleri Ebigeýl Barlou we Emili Bir, şeýle hem filmiň 2016-njy ýylda surata düşürilen birinji bölüminiň döredilmegine gatnaşan Mark Mançina we Opetaýa Foai ýerine ýetirer. Şol wagt multfilmiň kassa ýygymy 680 million dollardan geçipdi.
