2024-nji ýylyň “Gremmi” aýdym-saz baýragynyň gowşurylyş dabarasyna, takmynan, 16,9 mln adam tomaşa etdi, bu 2023-nji ýyl bilen deňeşdirilende 34% köpdür, bellenilen ýylda bu görkeziji 12,4 mln tomaşaça deňdi. Bu barada “Variety” neşirine salgylanyp, life.liga.net ýazýar.
Mundan başga-da, Paramount+ platformasynda taryhda “Gremmi” baýragyna iň ýokary tomaşa sany hasaba alyndy: 2023-nji ýyldakydan 173% köp akym. Şeýlelikde, 66-njy baýrak gowşurylyş dabarasy 2020-nji ýyldan bäri iň meşhur dabara boldy.
Bellenilişi ýaly, çäräniň has meşhur bölegi In Memoriam boldy, bu ýerde Stiwi Uander, Enni Lennoks, Jon Batist we Fantaziýa Barrino çykyş etdi. Şonda dabara 18,3 mln adam tomaşa etdi.
Şeýle-de, “Gremmi” dabarasy 62,6 mlrd potensial görkezişler bilen sosial ulgamlarda iň meşhur waka boldy. Bu “Gremmini” 2024-nji ýyldaky birinji belgili sosial-güýmenje wakasyna öwürdi.
“Gremmi” dabarasynyň alypbaryjysy yzygiderli dördünji gezek Trewor Noa boldy. Fulwell 73 Ses ýazgysy akademiýasy üçin dabara prodýuserlik etdi. Raj Kapur we Jessi kollinz bilen bilelikde Ben Uinston ýerine ýetiriji prodýuser boldy.
