Mahaçkalanyň “Dinamosy” öz Telegram kanalynda topara Hasanbi Bijiýewiň ýolbaşçylyk etjekdigini aýtdy. Bu barada rsport.ria.ru belleýär.
56 ýaşly hünärmen şertnama baglaşmak üçin şu gün toparyň Türkiýedäki ýerine barar. Öň, ol Kurskyň “Awangardynda”, Wolgogradyň “Rotorynda” we Nalçikden “Spartakda” işledi.
2012-nji ýylda Mahaçkalanyň “Anžisiniň” sport müdiri wezipesine bellenildi. Soňrak ol niderlandly hünärmen Gus Hiddinkiň tälimçiler ştabyna goşuldy.
1-nji fewralda “Dinamo” Gurban Berdiýewiň öz islegi bilen toparyň baş tälimçisi wezipesinden gidendigini habar berdi. Soňra HBS-de 71 ýaşly hünärmeniň Azerbaýjanyň milli ýygyndysyna ýolbaşçylyk edip biljekdigi barada maglumat peýda boldy.
Mahaçkalanyň kluby 20 tapgyrda 37 utuk bilen Birinji liganyň ýaryş jedwelinde birinji orny eýeleýär.
