«Samsung» korporasiýasy tomusda ilkinji akylly ýüzügini çykarmagy meýilleşdirýär. Bu barada «Wccftech» neşiri habar berdi.
Bellenilmegine görä, bu maglumatlary «Samsung Electronics» kompaniýasynyň B2B ugrunyň başlygy Deniel Syn özüniň «LinkedIn» sahypasynda tassyklady. Korporasiýanyň menejeri saglyk we özüňi gowy duýmak üçin täze dakynyp bolýan enjamyň şu ýylyň ikinji ýarymynda satuwa çykaryljakdygyny aýtdy. Görnüşi ýaly, bu ýerde akylly ýüzük göz öňünde tutulýar.
Awtorlaryň pikiriçe, «Galaxy Ring» iýul aýynda tanyşdyrylyp bilner. Şeýle hem «Galaxy Watch 7» akylly sagadynyň yglan edilmeginiň şu döwürde meýilleşdirilýändigi mälim boldy. Şeýlelik bilen, koreý korporasiýasy öz önümleriniň üstüni saglyk we sport üçin täze dakynyp bolýan enjamlar bilen ýetirer.
Ýanwar aýynda yglan edilen akylly ýüzügiň aýratynlyklary aýan edilmedi. Şeýle-de bolsa, pudak analitigi Awi Gringart «Galaxy Ring» enjamynyň aşa ýeňildigini, birnäçe ululykdaky görnüşleriniň bardygyny, saglyga, bedeniň ýagdaýyna we uka gözegçilik etmek aýratynlyklaryna eýedigini aýtdy.
