Şu ýylda çykjak iPhone 16-nyň çyzgylary internetde peýda bolup, smartfonyň geljekki modeliniň dizaýnyny açdy diýip, “Çempionat” portaly habar berýär.
Meşhur insaýder Majin Bu tarapyndan X platformasynda çap edilen çyzgylardan çen tutsaň, Apple nusgawylyga gaýdyp gelmekçi bolýar, ýagny, iPhone X-dan başlap iPhone 12-ä çenli bolan modellere häsiýetli goşa kameranyň dik ýerleşiş tertibine gaýdyp gelmekçi bolýar.
Bu giňişleýin wideo ýazgy mümkinçiliklerini, şol sanda Apple Vision Pro garniturasy üçin hem, bu babatdaky mümkinçilikleri gowulandyrar diýlip garaşylýar.
Ýene bir aýratynlygy - ýörite surat düwmesiniň goşulmagydyr. Bu element mehaniki gurluşy saklamak bilen bir hatarda, ulanyjylaryň dürli hili düwme basmalaryna duýgur bolar, şeýlelik bilen derrew fokus nokadyny tapmaga we surata düşürmäge, şeýle hem ýakyn-daşlygy sazlamaga mümkinçilik berer.
Geljekki gajetiň Pro wersiýalarynda şol bir ululykdaky displeýleriň boljakdygy, adaty iPhone 16-nyň ekranynyň, çarçuwasynyň inçelmegi bilen bagly, birneme ulaljakdygy bellendi.
Apple baradaky gürrüňlerde gysga seslenmeli duýgur ses düwmeleri barada hem agzalýar.
iPhone 16-nyň tanyşdyrylyş dabarasy sentýabr aýynda geçirilmeli.
