Gazagystanyň prezidenti Kasym-Žomart Tokaýew öz administrasiýasynyň öňki ýolbaşçysy Olžas Bektenowy respublikanyň premýer-ministri wezipesine belledi. Bu barada döwlet Baştutanynyň metbugat gullugyna salgylanyp, TASS habar berýär.
“Bektenow Olžas Abaýewiçi öňki eýeleýän wezipesinden boşadyp, Gazagystan Respublikasynyň premýer-ministri wezipesine bellemeli” – diýip, prezidentiň permanynda aýdylýar.
Mundan öň, Mejlisiň (parlamentiň aşaky palatasy) deputatlary geçirilen ýygnakda sesleriň aglaba köplügi bilen Bektenowyň hökümet Baştutany wezipesine dalaşgärligini tassyklamak üçin prezidente razylyk berdiler.
