AnTuTu-nyň gözleýji hünärmenleri 2024-nji ýylyň başynda bazardaky iň güýçli smartfony agzadylar. Synagyň netijelerine görä, Oppo Find X7 reýtingde birinji orunda durýar diýip, Gizmochina salgylanýan Ferra habar berdi.
Dimensity 9300 çipi bilen enjamlaşdyrylan smartfon MediaTek-iň prosessorynyň soňky nesli tarapyndan üpjün edilýän öndürijiligi bilen hünärmenleri haýran galdyrdy.
Oppo Find X7 ulanyjylara diňe bir çalt işleýşi däl, eýsem energiýany ulanmagyň gowulandyrylan netijeliligini teklip etmek bilen, häzirki zaman tehnologiýalarynyň çalt ösmegini dowam etdirýändigini görkezýär.
Synagyň netijeleri garaşylmadyk netijäni berdi, 2024-nji ýylyň başynda smartfonlar üçin täze standarty kesgitlän Galaxy S24 ýa-da Pixel 8 Pro däl-de, Oppo Find X7 bolandygyny belläp, çeşme ýazýar. Beýleki tarapdan, hünärmenler Xiaomi-niň, Realme-niň we ş.m.-leriň ýagdaýy öz peýdalaryna üýtgedip biljek, öň yglan edilen täze önümlerine garaşýarlar.
