Tesla kompaniýasy Nýu-Ýorkuň Buffalo şäherindäki Gigafactory klasterinde Dojo superkompýuterlerinden birini gurmak üçin 500 million dollar maýa goýýandygyny ITHome-e salgylanýan IXBT.com habar berýär.
Taslama üçin ýer saýlanda kompaniýa döwletiň ygtybarly energiýa üpjünçiliginiň, köp sanly zehinli hünärmenleriniň we taslama üçin elýeterli ýeriň bolmagyndan ugur aldy.
Nýu-Ýorkuň gubernatory Keti Hokul bu taslama 500 million dollar maýa goýuljakdygyny aýtdy. Şol bir wagtyň özünde, Nýu-Ýork Döwlet Uniwersitetinde (SUNY) emeli aň ulgamyna esaslanýan ýene bir garaşsyz superkompýuteriň gurluşygy barada ilkinji gezek yglan edildi.
Teslanyň Nýu-Ýorkdaky Gigafabrigi häzirki wagtda Supercharger stansiýalary üçin Gün panellerini, Gün üçeklerini we elektrik böleklerini öndürýär. Şeýle hem, kompaniýada awtonom awtoulaglar hakyndaky maglumatlary seljermäge ýöriteleşen işgärler topary bar.
Dojo superkompýuteriniň, emeli aňy okatmaga ýardam etjek, ulagyň datçiklerinden alnan köp mukdardaky maglumatlary gaýtadan işlemegine garaşylýar. Teslanyň FSD Beta ulgamyndan başga-da, dünýäniň iň güýçli hasaplaýyş toparlaryndan biri bolan Dojo, başga-da köp ulanyp boljak ýagdaýlara eýe bolar.
