«Üç pälwan we Ýeriň göbegi» animasion filmi «Melnisa» animasiýa studiýasynyň «Üç pälwan» franşizasynda we Russiýanyň animasiýasynyň taryhynda iň üstünlikli film boldy. Bu barada RBK Life «Wolga» prokat kompaniýasynyň metbugat gullugyna salgylanyp habar berýär.
Kompaniýanyň wekilleri filmiň dördünji dynç günüň netijelerine görä, prokatda 947 million rubl ýygnandygyny aýtdy. Bu eýýäm animasiýa franşizasynyň öňki bölümleriniň toplan serişdelerinden has köpdür: «Üç pälwan uzak kenarlarda» (2012) multfilmi 933 million rubl, «Üç pälwan. At göçümi» (2015) bolsa 925 million rubl toplady.
Ýatlatsak, asylly pälwanlar we olaryň dostlary baradaky franşizanyň 12-nji bölümi 2023-nji ýylyň 28-nji dekabrynda uly ekranlara çykdy. Hekaýada Ýylan Gorynyç çaga dinozawra duşýar. Tomaşaçylaryň söýgüli gahrymanlary at Ýuliý, Knýaz we Alýoşa Popowiç uzak geçmişe düşýärler. Multfilmiň gahrymanlary «wagt syýahatçylaryny» nädip yzyna getirip boljakdygyny we Ýeriň göbeginiň nämedigini anyklamaly bolarlar.
