DC komiks äleminiň başlangyjy bolan köp sanly gahrymanlar 10 ýyldan jemgyýetçilik emlägine öwrülip başlar. Bu barada Variety neşirine salgylanyp, daily.afisha.ru habar berýär.
Şeýlelikde, bu 2034-nji ýylda Supermen bilen Lois Leýne, 2035-nji ýylda Betmene, 2036-njy ýylda Jokere, 2037-nji ýylda Täsin zenana täsir eder. Şondan soň islendik adam bu gahrymanlaryň gatnaşmagynda kontent döredip, ondan girdeji alyp biler.
Neşiriň belleýşi ýaly, diňe iň ilkinji komikslerdäki gahrymanlaryň görnüşleri jemgyýetçilik emlägi bolar. Mysal üçin, olarda Supermen uçup däl-de, diňe böküp bilýärdi, onuň üçin kriptonit hem gorkuly däldi. Personažyň hut şu wersiýasyny awtorlar öz taslamalary üçin ulanyp bilerler.
Şol bir wagtyň özünde, komiksleriň köp sanly belli elementleri DC degişli bolmagyny dowam etdirer. Olaryň arasynda Supermeniň uly “S” harply logotipi, “Polat adamy” lakamy we Betmeniň logotipi bar. Şonuň üçin DC-niň super gahrymanlaryna esaslanjak kontentiň geljekki awtorlary komiksleriň esasynda döretjek eserlerinde ulanyp biljek zatlaryny ünsli öwrenmeli bolarlar diýip, hukukçylar belleýär.
