Geçen ýyl dünýäniň IT bazaryndaky çykdajylar, öňküsi ýyl bilen deňeşdirilende, takmynan 3,3 göterim ýokarlap, 4,68 trillion dollara ýetdi. Servernews-iň habar bermegine görä, 2024-nji ýylda pudagyň ösüş depgini ýokarlamagyny dowam etdirer, muňa emeli aňyň giňden ornaşdyrylmagy täsirini ýetirmeli diýip, Gartner-iň çaklamasynda aýdylýar.
Seljerijiler maglumat merkezleri, elektron enjamlary, kärhana derejeli programma üpjünçiligi, IT hyzmatlary we telekommunikasiýa hyzmatlary ýaly segmentleri hasaplaýarlar.
Gartneriň çaklamalaryna görä, bu kategoriýalaryň hemmesi 2024-nji ýylda ösüşi görkezer. Şeýlelik bilen, telekommunikasiýa hyzmatlary ýylda 2,3% ösüş görkezip, 1,47 trillion dollar girdeji getirer. IT hyzmatlary 1,50 trillion dollar girdeji gazanar, ösüş - 8,7% bolar. Kärhana programma üpjünçiligi, takmynan, 12,7% ösüp, 1,03 trillion dollar bolar. Maglumat merkezleri çykdajylaryň 7,5% ýokarlanandygyny görkezip, 261,33 milliard dollar girdeji getirer. Elektron enjamlar pudagynda ösüş 4,6% - 732,29 milliard dollara garaşylýar. Şeýlelik bilen, 2024-nji ýylda dünýä IT bazarynyň göwrümi 5 trillion dollara ýeter.
