Stambulyň gubernatory Arkadag şäheri bilen doganlaşan gatnaşyklary ýola goýmagyň mümkinçiliklerini maslahatlaşdy

  • 15.01.2024 18:23
  • 15k+
Stambulyň gubernatory Arkadag şäheri bilen doganlaşan gatnaşyklary ýola goýmagyň mümkinçiliklerini maslahatlaşdy

15-nji ýanwarda Stambulyň welaýat häkimliginiň binasynda Türkmenistanyň Türkiýe Respublikasyndaky Baş konsuly Muhammetnur Öwezow bilen Stambulyň gubernatory Dawut Gülüň arasynda duşuşyk geçirildi. Bu barada TmCars-a Türkmenistanyň Türkiýedäki wekilhanasynyň Metbugat gullugy habar berdi.

Duşuşygyň dowamynda taraplar iki ýurduň şäherleriniň arasynda doganlaşan gatnaşyklary ýola goýmak, şol sanda Arkadag we Stambul şäherleriniň arasyndaky hyzmatdaşlygyň mümkinçiliklerine aýratyn üns berildi.
Bulardan başgada, söhbetdeşler Stambulda kowçum bolup ýaşaýan türkmenler bilen bilelikde geçiriljek dürli medeni çäreleri hem ara alyp maslahatlaşdylar.
Şeýle hem taraplar söwda-ykdysady, bilim, medeni-ynsanperwer ugurlardaky meseleleri ara alyp maslahatlaşdylar.
Duşuşygyň dowamynda M.Öwezow Türkmenistanyň Prezidenti Serdar Berdimuhamedowyň täze «Ýaşlar – Watanyň daýanjy» atly kitaby bilen tanyşdyrdy.
Şeýle hem duşuşykda Türkmenistanda 2024-nji ýylyň «Pähim-paýhas ummany Magtymguly Pyragy» ýyly diýip yglan edilmegi mynasybetli geçiriljek çäreleriň meýilnamasy babatda hem pikir alşyldy.

Türkmenistan we FAO 2026–2030-njy ýyllar üçin hyzmatdaşlygyň täze maksatnamasyny maslahatlaşdylar
düýn 14:49
1.1k+

Türkmenistan we FAO 2026–2030-njy ýyllar üçin hyzmatdaşlygyň täze maksatnamasyny maslahatlaşdylar

21-nji ýanwarda Türkmenistanyň daşary işler ministri Raşid Meredow BMG-niň Azyk we oba hojalygy guramasynyň (FAO) Baş direktory Sýu Dunýuý bilen geçiren duşuşygynda Türkmenistanyň Hökümeti bilen FAO-nyň arasynda 2026–2030-njy ýyllara niýetlenen hyzmatdaşlygyň Ýurt boýunça çarçuwaly maksatnamasynyň işlenip taýýarlanylmagy bilen bagly meseleleri maslahatlaşdy...

Türkmenistanyň we Hindistanyň daşary işler ministrleriniň duşuşygyny guramak mümkinçiligi maslahatlaşyldy
düýn 14:44
818

Türkmenistanyň we Hindistanyň daşary işler ministrleriniň duşuşygyny guramak mümkinçiligi maslahatlaşyldy

21-nji ýanwarda Türkmenistanyň daşary işler ministri Raşid Meredow Hindistanyň DIM-niň Günbatar işleri boýunça Sekretary Sibi Jorj bilen duşuşdy. Türkmenistanyň DIM-niň habar bermegine görä, duşuşygyň dowamynda taraplar ikitaraplaýyn gatnaşyklaryň häzirki meselelerini ara alyp maslahatlaşdylar...

Tokioda türkmen ilçisiniň Ýapon-türkmen ykdysady hyzmatdaşlyk komitetiniň başlygy bilen duşuşygy geçirildi
düýn 14:38
793

Tokioda türkmen ilçisiniň Ýapon-türkmen ykdysady hyzmatdaşlyk komitetiniň başlygy bilen duşuşygy geçirildi

21-nji ýanwarda Türkmenistanyň Ýaponiýadaky ilçisi A.Baýramow Tokioda Ýapon-türkmen ykdysady hyzmatdaşlyk komitetiniň başlygy Hiroýuki Subaý bilen duşuşdy. Bu barada Türkmenistanyň DIM-nde habar berdiler. Duşuşygyň...

Türkmenistan Aşgabat–Türkmenbaşy demir ýoluny döwrebaplaşdyrmagyň tehniki-ykdysady esaslandyrmasyny düzmek üçin potratçy gözleýär
düýn 11:38
6.2k+

Türkmenistan Aşgabat–Türkmenbaşy demir ýoluny döwrebaplaşdyrmagyň tehniki-ykdysady esaslandyrmasyny düzmek üçin potratçy gözleýär

Türkmenistanyň Demir ýol ulaglary ministrligi Aşgabat–Türkmenbaşy demir ýol geçelgesini döwrebaplaşdyrmagyň tehniki-ykdysady esaslandyrmasyny (TYE) işläp düzmek üçin halkara açyk bäsleşik yglan etdi. Bu barada «Neýtralnyý Türkmenistan» gazetinde çap edilen resmi bildirişde aýdylýar...