Futbol boýunça Italiýanyň çempionatynda çykyş edýän toparlaryň sany 20-den 18-e çenli azalmagy mümkin diýip, RAI Nowosti «La Gazzetta dello Sport» neşirine salgylanyp habar berýär.
Neşir Seriýa A-daky öňdebaryjy futbol toparlarynyň özgertmeleriň geçirilmeginiň tarapdarydygyny belleýär. Çünki indiki ýyldan Çempionlar ligasynyň we Klublaryň arasynda dünýä çempionatynyň geçiriliş formatynyň üýtgemegi sebäpli oýunlaryň sany köpeler. Italiýanyň çempionatynyň beýleki klublary toparlaryň sanyny azaltmagyň telewideniýe hukuklarynyň bahasynyň pese düşmegine sebäp boljakdygyny öňe sürüp, üýtgeşmelere garşy çykýarlar.
14 klub özgertmeleri goldap ses berse, karar kabul ediler.
