Türkiýe Las-Wegasda geçirilen iň uly CES 2024 tehnologiýa sergisinde Togg T10F milli elektrik awtoulagynyň täze modelini hödürledi. Anadolu gullugynyň habaryna görä, elektrik sedany 350 we 600 km energiýa ätiýaçlyklary bilen öndürmek meýilleşdirilýär.
TOGG önümçilik kompaniýasynyň başlygy Gýurjan Karakaş tanyşdyryş dabarasynda T10F-iň ilki bilen türk bazaryna çykjakdygyny we indiki ýyl Ýewropa bazarynda peýda boljakdygyny aýtdy. Togg T10X milli elektrik awtoulagy bilen 2019-njy ýylda Türkiýede tanyşdyryldy; krossowerler ýurduň günbataryndaky Bursa welaýatynda ýygnalýar. Togg 2023-nji ýylyň mart aýynda Türkiýede satuwa çykaryldy. Öndüriji ozal ýedi ýylyň içinde bu wersiýanyň bir milliona golaý elektrik ulagyny öndürmek we wagtyň geçmegi bilen Togg-y dünýä markasyna öwürmek meýliniň bardygyny habar berdi.
