“Beşiktaşyň” baş tälimçisi portugaliýaly Fernandu Santuş boldy

  • 09.01.2024 16:43
  • 12k+

Türkiýäniň “Beşiktaş” futbol klubunyň täze baş tälimçisi 69 ýaşly portugaliýaly Fernandu Santuş boldy. Bu barada toparyň metbugat gullugyna salgylanyp, Anadolu agentligi habar berýär.

Santuşyň ýolbaşçylygynda Portugaliýanyň milli ýygyndysy Ýewropa çempionatynda (2016) we Milletler ligasynda (2019) ýeňiş gazandy. Ol 2016-njy ýylda IFFHS tarapyndan ýylyň tälimçisi hökmünde ykrar edildi.
Santuş futbol karýerasyna 1966-njy ýylda Portugaliýanyň “Benfika” klubunyň ýaşlar düzüminde başlady. Professional karýerasy “Eştoril-Praýada” başlady. Ol toparyň düzüminde 216 oýna gatnaşdy.
Santuş hünäri boýunça elektrik inženeridir. Dürli döwürlerde ol Portugaliýanyň üç esasy klubuna tälimçilik etdi – “Portu”, “Benfika” we Lissabonyň “Sportingi”.
Ol baş tälimçi hökmünde Gresiýada “AEF Afiny”, “PAOK” we “Panatinaikos” klublarynda hem işledi, Gresiýanyň, Portugaliýanyň we Polşanyň milli ýygyndylaryna ýolbaşçylyk etdi.


düýn 19:28
1.6k+

EA Sports FC 26-da Ibragimowiç, Inýesta, Totti we beýleki rowaýaty oýunçylar peýda bolar

Electronic Arts kompaniýasy futbol simulýatorynyň täze görnüşiniň — EA Sports FC 26 oýnunyň tanyşdyrylyşyna taýynlyk görýär. Oýun iýul aýynda resmi taýdan hödürlener, onuň çykjak senesi bolsa sentýabryň soňlaryna garaşylýar...

düýn 12:05
7.5k+

Klublaýyn dünýä çempionatynyň 1/8 finalyna gatnaşyjylaryň ählisi belli boldy

Amerikanyň Birleşen Ştatlarynda futbol boýunça Klublaýyn dünýä çempionatynyň toparçalaýyn tapgyrynyň 3-nji duşuşyklarynyň soňky oýun güni tamamlandy. H toparyň jemleýji duşuşyklarynda Madridiň «Realy» «Zalsburgy» 3:0 hasaby bilen ýeňdi...

düýn 10:22
6.8k+

Ronaldu "Al-Nasr" bilen şertnamasyny 2027-nji ýyla çenli uzaltdy

Kriştianu Ronaldu Saud Arabystanynyň «Al-Nasr» futbol kluby bilen şertnamasyny 2027-nji ýylyň tomsuna çenli uzaltdy. Bu barada toparyň resmi saýty habar berdi. 40 ýaşly portugaliýaly hüjümçiniň öňki şertnamasy 2025-nji ýylyň 30-njy iýunynda tamamlanmalydy...

25.06.2025 16:41
15k+

Türkmenistanyň milli ýygyndysynyň öňki tälimçisi litwa klubuna bellenildi

Türkmenistanly hünärmen Mergen Orazow Litwanyň “Dainawa” futbol toparynyň baş tälimçisi wezipesine bellenildi. Bu barada toparyň metbugat gullugy habar berdi. Ýewropa klubuna geçmegi tälimçiniň karýera  ösüşinde täze tapgyr boldy...