Ispaniýaly tennisçi Rafael Nadal sosial ulgamlarynda Awstraliýanyň Açyk çempionatyna (Australian Open) gatnaşyp bilmejekdigini aýtdy. Bu barada gazeta.ru habar berýär.
“Hemmäňize salam, Brisbendäki soňky oýnumda mende myşsa bilen bagly kiçiräk mesele bardy, bu hem, bilşiňiz ýaly, meni alada goýdy. Mende myşsanyň mikro üzülmesiniň bardygyny anykladylar, ýöne ol mundan öňki şikesiň bolan ýerinde däl we bu gowy habar. Häzir men bäş setli oýunlarda ýokary derejede çykyş etmäge taýýar däl. Men lukman bilen görüşmek, bejergi almak we dynç almak üçin Ispaniýa yzyma uçýaryn” – diýip, Nadal ýazýar.
Ýanwar aýynyň başynda Nadal Brisbendäki (Awstraliýa) ýaryşa gatnaşdy. Ol dörtden bir finalda awstraliýaly Jordan Tompsondan utuldy. Mundan öň Nadal korta 2023-nji ýylyň ýanwar aýynda çykdy. Şonda ol Australian Open-iň ikinji tapgyrynda amerikaly Makkenzi Makdonalddan utuldy.
Professional tennisçileriň assosiasiýasynyň (ATP) reýtinginde öňdebaryjylygy serbiýaly Nowak Jokowiç (11 245 utuk) saklaýar. Ikinji 8855 utuk gazanan ispaniýaly Karlos Alkaras gelýär. Üçlügi 7600 utuk bilen Daniil Medwedew jemleýär.
