Aglaýa Tarasowanyň we Miloş Bikowiçiň baş keşpleri janlandyrmaklarynda Klim Şipenkonyň 1-nji ýanwarda çykan filmi 2024-nji ýylyň 3-nji ýanwaryna çenli üç günüň içinde kassa ýygymyndan 1 milliard rubl gazandy. Bu mukdar ýakyn günlerde petekleriň öňünden satylmagy esasynda gazanyldy.
Filmiň ilkinji gezek görkezilen güni – 1-nji ýanwarda film 314,6 million rubl gazandy we Russiýanyň prokatynda bu ilkinji gününde gazanylan girdeji boýunça rekord derejedir. Mysal üçin, geçen ýyl, Dmitriý Dýaçenkonyň «Çeburaşka» filmi hem çykmagynyň üçünji gününde 1 milliard rubl ýygnady, ýöne filmiň kassa ýygymy ilkinji gününde 231 million rubla deň boldy.
XIX asyr obasynda gaýtadan terbiýelenýän Grişanyň taryhy baradaky 2019-njy ýylda çykan film tomaşaçylaryň söýgüsini gazandy we onuň dowamynyň çykmagyny kepillendirildi. «Holop 2» filminde bolsa obada özüni gödek alyp barandygy üçin baş gahryman Katýany (Aglaýa Tarasowa) täzeden terbiýeleýärler. Filmiň ssenarisini birinji filmdäki ýaly, Darýa Grisewiç, Anton Morozenko we Dmitriý Permýakow ýazdy.
